пятница, 6 апреля 2018 г.

Молитва о мире на Святой Земле

Публикуем текст молитвы о мире на Святой Земле, которая читается во всех храмах после Литургии Великой Субботы.
Господи, Иисусе Христе, Боже наш, Крест претерпевый и смерть, спасения ради рода человеческаго, во ад сошедый, тридневное погребение приемый, смерть поправый, диавола упразднивый и разрушивый вражды средостение, приими молитву смиренных раб Твоих, купно с Давидом псалмопевцем Тебе вопиющих о мире Святаго Сиона, Престола Царя Великаго, Матере Церквей, Преславного Иерусалима.


Мир даровавый роду человеческому, угаси всяку распрю и раздоры во Святей Земли, умири злобу враждующих, благослови притекающих ныне ко Гробу Твоему Живоприемному, и нас тому мысленно покланяющихся, исходящим от сего светом Лица Твоего озари.
Пламенем любве распали к Тебе сердца наша, Христе Боже, да тою воспломеняеми, сердцем, мыслию же и душею, и всею крепостию нашею возлюбим Тя, и искренняго своего.
Яко Ты еси мир наш, и Тебе славу возсылаем, со Безночальным Твоим Отцем, и Всесвятым и Благим и Животворящим Твоим Духом, ныне и присно, и во веки веков. Аминь.

Комментариев нет:

Отправить комментарий